مـــــــــدان ولاكـــــــــــــــــن

مـــــــــدان ولاكـــــــــــــــــن
بقلم :مينا شهاب
من اسيوط
الفكره :محكمه لمحاكمة كل من هو السبب فى موت وصلب يسوع المسيح
الهدف: معرفة ان الانسان هو السبب فى صلب يسوع المسيح
المكان :محكمه
الزمان :قديم الاوان

فى يوم من الايام حل الظلام على المكان
وفجأة بهتت كل الالوان ورجع بى الاوان
رجعت لقديم الزمان فى وسط محكمه وقاضى وقضبان
وحراس حارسة البيان والحزن على القاضى بان
القاضى بصوته نده يا ترى مين السبب ومين المدان ؟
مين المتهم فى موت وصلب يسوع الحنان
نادى الحاجب على المتهم واختفت الاصوات وبدأ الاستبيان
مع يهوذا اللى سلم يسوع بعد ما أستلم وخان
وحكم القاضى يهوذا مدان
وسمعنا صوت هز المكان
والكل فكر فى اللى اتقال لكن لسه فى واحد كمان
نادى الحاجب على ثانى متهم وبدأ القاضى بالكلام
ليه تنكر يا بطرس يسوع ؟ قدام جوارى وعبيد كمان ؟
رد المتهم
انا عارف انى غلطان ولكنى ندمت على اللى حصل زمان
القاضى بمرار قال انت مدان لانه مفيش قانون يحاسب على الندمان
والصوت بقوه قال لكن لسه فى حد مذنب كمان ؟
قال القاضى لبيلاطس
انت الملك ليه تحكم بالظلم والعميان
انت قولت انى مللك يعنى لا أتحاسب ولا يتوجهلى كلام
روح شوف مين اللى جابه
اسأل رئيس الكهنه والفرسيين كمان
يعنى انا مش غلطان رد الحاكم وقال
انت مدان
رد الصوت مرة ثالثه
لسه فى واحد كمان
نادى الحاجب على المتهم وشكله غنى وعارف المكان
انت رئيس الكهنه لكنك
خالفت اللوائح باستهوان لما قولت كلام كذب
ما لهوش صله بالحقيقه ولللى كان
ومعنى كده انك مدان
والصوت للمره الرابعه
لسه كمان
ندى الحاجب خامس متهم
وفجأه
اتحول المكان
ولقيت نفسى وسط القطبان والحزن والخوف مالى الكيان
القاضى قال بعزم الصوت
يبقى انت يا
انســـــــــــــــان
وبقيت المتهم
اللى انكر وللى باع وللى خان
عجز اللسان عن الكلام
ومفيش دفاع ولا مبرر ولا عفوان
واتقيد بسلاسل وقضبان
وملت عينى الاحزان
والشهود بعزم الصوت قالو
أخر الخطيه الموت
وفى وسط كل الكلام رن الصوت فى الودان
الانسان هوا المدان
لكن بموت يسوع نال الغفران
واتفك اسر الانسان
وبقيت حر زى زمان
ورجع بيا الاوان وهل النور على المكان
رجعت للحاضر علشان
ابشر عن اللى ادانى الغفران
بـــــــعد ما كنت مدان
اتمنا انها تعجبكم